ពូជសុខន Husky
ពាណិជ្ជកម្ម| Advertisement
ពេលខ្លះមានការច្រលំបន្តិចបន្ទួចចំពោះសុខន Husky ទៅតាមពូជនីមួយៗដោយសារភាពស្រដៀងគ្នារបស់ពួកវា។ ប៉ុន្តែជាភាសាអង់គ្លេសគេអាចហៅជារួមថា ស្លេដដក |Sleddogs មានន័យថាជាសុខន លេងស្គឺ។ សុខន Husky មានច្រើនប្រភេទ និងពូជសាសន៍ខុសៗគ្នា។
Cambodia Luck-SC សុំលើកយកពូជចំនួន៣ សំខាន់ៗដែលយើងច្រើនស្គាល់។ ពូជនីមួយៗ និងលក្ខណះសម្គាល់មានដូចទៅ ៖
១. ស៊ីបេរៀន ហូស្កី |Siberian Husky
សុខន Siberian Husky មានប្រភពកំណើតពីតំបន់ខាងជើង ឈាងខាងកើត ស៊ីបេរី |Siberia ប្រទេសរូស្សី ដែលហៅជាភាសារូស្សីថា ស៊ីបីសស្គី ហាស្គី |Сибирский хаски (Sibirskiy khaski)។ ឈ្មោះដ៏ទៃទៀតត្រូវបានហៅថា ឈូកចា Chukcha ឬ ឈូកសា Chuksha និងឈ្មោះដែលគេហៅជាទូទៅគឺ ហូស្គី សែប៍ Husky Sibe។
CREDIT : Google.com
ពូជនេះស្វាហាប់ ខ្លាំងក្លា និងសកម្ម ជាពូជធន់ជាមួយនឹងអាកាសធាតុត្រជាក់ ដែលពោរពេញទៅដោយគ្រោះអាក្រក់នៃអាកាសធាតុតំបន់ត្រជាក់ខ្លាំង ឈ្មោះថាអាកទិកស៊ីបេរី។
CREDIT : Google.com
លក្ខណះសម្គាល់ពូជ ៖
ឈ្មោះដែលទម្លាប់ហៅជាទូទៅ ៖ ហូស្គីសាប៍ Husky Sibe
ទំងន់ ៖ ៤៥ ទៅ ៦០ ផោន |Pounds (ឈ្មោល - ស្មើរនឹង ២០គ.ក្រ ទៅ ២៧គ.ក្រ) និង ៣៥ ទៅ ៥០ ផោន (ញី - ស្មើរនឹង ១៦គ.ក្រ ទៅ ២៣គ.ក្រ)
កំពស់ ៖ ២១ ទៅ ២៤ អ៊ីញ |Inches (ឈ្មោល - ស្មើនឹង ៥៣ស.ម ទៅ ៦១ស.ម) និង ១៨ ទៅ ២០ អ៊ីញ (ញី - ស្មើរនឹង ៤៦ស.ម ទៅ ៥១ស.ម)
រោម ៖ ពីរស្រទាប់ក្រាស់ៗ - ស្រទាប់ក្រាស់ញឹកនៅគល់រោម និងស្រទាប់ក្រាស់ទន់នៅចុងរោម
ពណ៌ ៖ ពណ៌ស និងខ្មៅ មានលាយពណ៌ត្នោត ឬក្រហមតិចៗ គ្រប់សុខនប្រភេទនេះទាំងអស់
ចំនួនកូនក្នុងពេលពរពោះម្តង ៖ ៤ ទៅ ៨កូន
អាយុជីវិត ៖ ១២ ទៅ ១៤ឆ្នាំ
២.
សុខន Alaskan Husky ជាប្រភេទពូជមិនសុទ្ធ ។ ពូជនេះត្រូវបានបញ្ចូលគ្នាពីពូជសុខនដើមភាគខាងជើងជាច្រើនប្រភេទណាស់ ដែលត្រូវបង្កាត់ក្នុងគោលបំណងតែមួយគឺជំនាញទាញ ឬអូសសណ្តោង។ Alaskan Husky នេះត្រូវបានគេជ្រើសយកទៅប្រកួតក្នុងកម្មវិធីលំដាប់ពិភពលោកប្រណាំងរទេះសណ្តោងផងដែរ។ ឆ្កែដែលនាំមុខគេក្នុងការប្រកួតត្រូវបានគេទិញយកក្នុងតម្លៃ ៣,០០០ដុល្លាសហរដ្ឋអាមេរិក ទៅ ១០,០០០ដុល្លាសហរដ្ឋអាមេរិក។
CREDIT : Google.com
អាឡាស្កា មានរោមតិចជាង ពូជស៊ីបេរៀន។ ជាទូទៅពួកវាត្រូវការញ៉ាំច្រើនណាស់ដើម្បីអាចរក្សាកំដៅនៅក្នុងខ្លួនរបស់ពួកវាបាន ព្រមទាំងសម្រាប់ទូទាត់ជាមួយនឹងកម្លាំងមហិមារបស់ពួកវា។
ពាណិជ្ជកម្ម| Advertisement
លក្ខណះសម្គាល់ពូជ ៖
ប្រភពកំណើត ៖ រដ្ឋអាឡាស្កា |Alaska (United States) សហរដ្ឋអាមេរិក
ទំងន់ ៖ ៤០ ទៅ ៦០ ផោន |Pounds (ឈ្មោល - ស្មើរនឹង ១៨គ.ក្រ ទៅ ២៧គ.ក្រ) និង ៣៥ ទៅ ៥៥ ផោន (ញី - គិតជាគីឡូក្រាមស្មើរនឹង ១៦គ.ក្រ ទៅ ២៥គ.ក្រ)
ពណ៌ ៖ អាចមានគ្រប់ពណ៌ - អាចជាពណ៌ខ្មៅ ពណ៌ទង់ដែង ពណ៌ស ពណ៌ទឹកក្រូច និងអាចជា ពណ៌ប្រផេះ
អាយុជីវិត ៖ ១០ ទៅ ១៥ឆ្នាំ
៣.ថៃយ៍មឹ |Taïmyr
សុខន Taïmyr ជាពូជត្រូវបានបង្កាត់ចេញពីពពួកក្រុមពូជ សាមយដ៍ |Samoyed (រោមស្រម៉ូវពណ៍ស) រស់នៅតំបន់ថៃយ៍មឹ ស៊ីបេរី ដូចគ្នានឹងសុខន ស៊ីបេរៀនហូស្គីដែរ។ ពួកវារស់នៅតំបន់ត្រជាក់ខ្លាំងអាកទិកស៊ីបេរី។
CREDIT : Google.com
លក្ខណះសម្គាល់ពូជ ៖
ទំងន់ ៖ ២៥គ.ក្រ ទៅ ៤៥គ.ក្រ
ពណ៌ ៖ ពណ៍ខ្មៅលាយពណ៌ស និងអាចមានពណ៌ទង់ដែងក្រម៉ៅ
អាយុជីវិត ៖ ១២ ទៅ ១៤ឆ្នាំ
CREDIT : Sseayp International Singapore
ពាណិជ្ជកម្ម| Advertisement
Ⓗ អានផងដែរ ៖
អត្ថបទ ៖ Cambodia Luck-SC Team
Ⓒ 2017 រក្សាសិទ្ធគ្រប់យ៉ាង
💓💖💓
💓💖💓