ចាប៉ីដងវែង - កម្ពុជា
ពាណិជ្ជកម្ម| Advertisement
ចាប៉ីដងវែង ជាឧបករណ៍ភ្លេងប្រពៃណីខ្មែរមួយប្រភេទមានប្រអប់ស្នូកមួយ និងដងមួយ ។ នៅលើដងរបស់ចាប៉ីដែលមានប្រវែងប្រមាណជា ១.៤០ ម៉ែត្រ ទៅ ១.៥០ម៉ែត្រ គេឃើញមានខ្សែចំនួន ២ ឬ ខ្លះមាន ៤ខ្សែ សម្រាប់ដេញប្រគុំទោល ឬ ពេលខ្លះប្រគុំរួមជាមួយតន្ត្រីផ្សេងៗទៀត។ ចាប៉ីដងវែង ត្រូវបានប្រើសម្រាប់ប្រគុំរួមក្នុងវង់ភ្លេងការបុរាណ វង់ភ្លេងអារក្ស វង់ភ្លេងមហោរីជាដើម និងប្រើទោលសម្រាប់លេងកំដរចម្រៀងកំណាព្យ។ ខ្សែចាប៉ី ឬហៅថាខ្សែសំនៀង ត្រូវបានផលិតពីសរសៃសូត្រ និងខ្សែនីឡុង។
CREDIT :Google.com |Ads
គេលេងចាប៉ីផង និងច្រៀងផងដើម្បីរៀបរាប់អំពីដំណើររឿងនិទាន ឬដំណាលរឿងប្រវត្តិសាស្រ្ត និងរឿងអប់រំផ្សេងៗ។ អ្នកស្តាប់ចាប៉ីដងវែង ជួនកាលសើច ជួនកាលយំ ជួនកាលនៅស្ងៀមដោយបានស្តាប់នូវសូសៀងនៃចាប៉ីបូកផ្សំជាមួយបទចម្រៀងចាប៉ីដែលមានបង្កប់អត្ថន័យជ្រាលជ្រៅ ឬកំប្លុកកំប្លែងនៅក្នុងនោះ។
ចាប៉ីក៏ត្រូវបានយកមកប្រើប្រាស់ជាភ្លេងដង្វាយព្រះសិវៈដូចគ្នាផងដែរទៅនឹងឧបករណ៍ជាច្រើនផ្សេងៗទៀត។
សូសៀងរបស់ចាប៉ី មានសំនៀងស្រដៀងគ្នាជាមួយនឹងសូសៀងរបស់ឧបករណ៍ភ្លេងក្លិង្គបុរាណប្រទេសឥណ្ឌា។ ចំណុចនេះតែងតែធ្វើអោយមានការភ័នច្រលំពីសំណាក់អ្នកសិក្សាស្រាវជ្រាវឧបករណ៍ភ្លេងខ្មែរកន្លងមក។
CREDIT :khmertalking.com |ចាប៉ីដងវែងខ្នាតយក្ស ត្រូវបានតម្កល់ទុកក្នុងបរិវេណភូមិខ្ញុំ ស្ថិតនៅខាងជើងប្រាសាទបាយ័ន
យ៉ាងណាក៏ដោយ កាលពីថ្ងៃទី៣០ ខែវិច្ឆិកា ឆ្នាំ២០១៦ ចាប៉ីដងវែងត្រូវបានដាក់បញ្ចូលជាសម្បត្តិបេតិកភណ្ឌអរូបីមនុស្សជាតិដោយអង្គការ យូណេស្កូ |UNESCO នាទីក្រុង អេដឌីស អាបាបា |Addis Ababa ប្រទេសអេត្យូតាមការស្នើរសុំរបស់រាជរដ្ឋាភិបាលកម្ពុជាផងដែរ។ អង្គការ យូណេស្កូ ក៏បានផ្តល់ថវិការសម្រាប់សកម្មភាពគាំទ្រ និងការការពារកេរ្តិ៍តំណែលរបស់កម្ពុជាមួយនេះផងដែរ។ យើងទាំងអស់គ្នាជាជនជាតិខ្មែរ មានមោទនភាពជាតិយ៉ាងខ្លាំងក្រៃលែងបន្ទាប់ពីទទួលបានពត៌មាននេះ៕
ពាណិជ្ជកម្ម| Advertisement
អត្ថបទ ៖ Cambodia Luck-SC Team
Ⓒ 2017 រក្សាសិទ្ធគ្រប់យ៉ាង
💓💖💓
💓💖💓